|| مابي أضيــّــقـ خاطرڪ وأنتـ مرتاح ||

يآصآحبي طآلبك خلنَي بــحـآلي
ما أبي "أضيــّــق خاطرك" وأنت مرتاح

ياصاحبي وإن غبت عنك " ليالي "
غلاك باقي بــالحنايا ولا راح

تبي أسولف لك
،وش اللي جرالي؟؟
أخاف يمسح قولنا الصبـــح لا لاح ..!!•

أجل تعال أجلس "هنيـّـا" قبــالي
دام الحطب طاح وكثير العتب طاح

لو كل شخص إليا عطيته وفالي
ماكان بــ الدنياحزن ليل وجراح ..!!

ولو كل غالي قدّر إحساس غالي
ماشفت ذاك الدمع من محجره ســاح ..!!

ولو كل قلب من الحسد جاك خالي
مايشتكي من "شحّ الأمطار" فــــلاّح

ولو كل واحدجاك طبعه مثـــالي
ماكان بــالدنيا سجن ناس وإصلاح ..!!

ولولا الذنوب اللي بـكبرالجبالي
ماكان "جيش الكفر" لــ بلادناإجتـــاح
ولو الردي يعرف شــ معنى عيالي
ماقطّ أبوه بـــ دار الآيتام يـــــــا صاح ..!!

هذا بعض "حزن السنين" التوالي
طير الحزن مبطي على خافقي ناح•

ما أقول أن الخير ماله مجالي
لآ والذي يفلق من الليل الإصبــــاح

لكن هنابعض "الألم" ياحلالي
وأنا أدري أن العود يوم أحترق فاح

أول أقول إني صبور وشمالي
واليوم لآ والله أنفجر سدّي وبـــاح ..!!

ماقلت لك يا ذيب خلّني بـحالي
هذا أنت "ضقت" وأذكرك جيت مرتاح .!!

صح لسانك والفين صحه
كلامات رائعه كروعتك
يعطيك العافيه
ماننحرم

ههههه صح بدنك
الروعه في حضورك يالغلا
وربي يعافيك منورة

ماقلت لك يا ذيب خلّني بـحالي
هذا أنت "ضقت" وأذكرك جيت مرتاح .!!

صح لسان شاعرها وسلمت يمين ناقلها

يعطيك العافية يالغالي

الله يسلمك
وعوافي عالمرور